Герб і флаг заснаван Указам Прэзідэнта Рэспублікі Беларусь ад 20 студзеня 2006 года № 36 і зарэгістраваны ў Дзяржаўным геральдычным рэгістры Рэспублікі Беларусь 6 лютага 2006 года № Б-66, Б-67.

Герб: У срэбным полі іспанскага шчыта мур натуральнага колеру з трыма зубцамі уверсе і аркай унізе. У верхняй частцы поля размешчаны дзве галінкі брусніцаў з сяммю ягадамі чырвонага колеру і трыма зялёнымі лістамі на кожнай.

Флаг: Белае палотнішча прамавугольнай формы з суадносінамі бакоў 1:2, у верхняй частцы якога размешчаны зубчасты пояс чырвонага колеру, у ніжняй – такі ж зубчасты пояс зялёнага колеру.

Шаркаўшчына вядома ў Вялікім Княстве Літоўскім з 1503 г. як маёнтак Зяновічаў. Паходжанне гэтага шляхецкага рода звязваюць з сербскім або малдаўскім дэспатам (намеснікам правінцыі), які прыбыў у Вялікае Княства Літоўскае і паступіў на службу да вялікага князя Вітаўта. Пазней Шаркаўшчына належала Сапегам, Дамброўскім, Лапацінскім. У XVIII ст. тут быў узведзены мураваныпалац, пабудавана царква.

У XIX ст. гэта было даволі ажыўленае мястэчка спачатку Мінскай, а пазней (з 1842 г.) Віленскай губерняў. У Шаркаўшчыне было адкрыта народнае вучылішча, дзейнічалі малітоўныя дамы, крамы, карчма, аптэка.

Нягледзячы на ​​шматвяковую гісторыю, Шаркаўшчыны ніколі не мела свайго геральдычнага сімвала, і перад стваральнікамі сучаснага герба стаяла даволі складаная задача, пачынаючы ад агульнай ідэі да яе мастацкага ўвасаблення.

Першапачатковы варыянт герба прадугледжваў яго выяву з выкарыстаннем у ім радавога герба «Слепаўрон» першых уладальнікаў Шаркаўшчыны Зяновічаў, адным з элементаў якога з’яўляецца звернуты направа чорны крумкач з залатым пярсцёнкам у дзюбе. Аднак дыскусія ў раённым Савеце дэпутатаў пацвердзіла думку распрацоўшчыкаў аб неабходнасці пошуку такога гарадскога сімвала, які б у найбольшай ступені адлюстроўваў менталітэт гараджан і быў зразумелы кожнаму.

Сюжэт быў падказаны мясцовымі жыхарамі. Шаркаўшчынскі раён размяшчаецца ў Дзісенскай нізіне, для якой характэрны асаблівая забалочанасць, вялікая колькасць брусніц, журавін, дурніц, чарніц і іншых дзікарослых ягад.

Канчатковы варыянт герба ўяўляе сабой выяву стылізаванага гарадскога мура натуральнага колеру, яки мае тры сплошчаныя зубцы ўверсе і адчыненую ўваходную арку ўнізе, дапоўненую трыма яркімі галінкамі брусніцаў. Адзначым, што так званыя натуральныя колеру, у дадзеным выпадку карычневы колер мура, даволі рэдка ўжываецца ў беларускай геральдыцы.

Герб і флаг адобраны рашэннем Шаркаўшчынскага раённага Савета дэпутатаў ад 27 чэрвеня 2003 г. № 12.

Аўтар герба М.М.Елинская, мастак А.В. Леўчык.