Герб заснаваны Указам Прэзідэнта Рэспублікі Беларусь ад 2 снежня 2008 г. № 659 і зарэгістраваны ў Дзяржаўным геральдычным рэгістры Рэспублікі Беларусь 23 студзеня 2009 г. № Б-147.

Герб: Варажскі шчыт, скошаны злева, у правым блакітным полі якога срэбная лілеяпадобная кветка, у левым залатым у левую перавязь размешчаны тры ягады клубніц чырвонага колеру.

Вёска Дварэц ў 1588 г. была ўласнасцю Яна Кішкі, а пазней Мікалая Станіслава Кішкі і таксама, як і вёскі Бастынь і Вулька-2, ўваходзіла ў склад маёнтка Кажан-Гарадок Наваградскага павета.

На гербе вёскі – ягады, якія атрымала самае шырокае распаўсюджванне толькі ў другой палове ХХ ст.: суніцы садовыя або, як часта называюць яе, клубніцы. Дварэц не можа пахваліцца багатай на падзеі гісторыяй, але ў XXI стагоддзе вёска ўвайшла ў лік самых добраўпарадкаваных населеных пунктаў раёна. У значнай ступені дзякуючы вырошчванню трускаўкі, вяскоўцы дасягнулі высокага ўзроўню дабрабыту. Залатая эмаль, на якой размешчаны ягады, сімвалізуе дастатак вёскі.

Дыяганальнае падзел поля герба або скошаны шчыт – адзін з традыцыйных прыёмаў у геральдыцы, які неаднаразова выкарыстоўваўся як у мінулым, так і ў сучаснай геральдыцы. У якасці прыклада можна прывесці гербы гарадоў Данілаў Яраслаўскай вобласці (Расія), Kедайняй (Літва), Цюрых (Швейцарыя), Івацэвічы (Беларусь) і г.д.

Герб вёскі Дварэц дапаўняе разнастайнасць дзялення шчыта на беларускіх гербах і ўключае таксама агульны для ўсіх гербаў Лунінеччына сімвал: у правым полі размешчана кветка Лабеліі Дортмана.

Аўтар герба – Т.В. Канапацкая, мастак – В.А. Ляхор.