Эмблема: уяўляе сабой бронзавую васьміпрамянёвую зорку, якая абрамляе шчыт цёмна-карычневага колеру з аблямоўкай таго ж колеру, што і зорка. Шчыт увянчаны стылізаванай літарай «А» залацістага колеру – асноўным элементам эмблемы Дэпартамента па архівах і справаводстве і ўсёй архіўнай галіны. У цэнтры шчыта размешчаны зрушаны ў яго ніжнюю частку меншы шчыт з аблямоўкай таго ж колеру, што і літара «А», у ім – герб г. Оршы.

У ніжняй частцы зоркі размешчана дэвізная стужка зялёнага колеру з назвай архіўнай установы «ЗАНАЛЬНЫ ДЗЯРЖАЎНЫ АРХІЎ У г. ОРШЫ».

Зацверджана Загадам дырэктара архіва ад 22.09.2023 № 73 ОД.

Зарэгістравана ў Дзяржаўным геральдычным рэгістры 17.11.2023. Нумар рэгістрацыі В-1888.