Юбілейны нагрудны знак «100 год Беларускаму фізкультурна-спартыўнаму таварыству “Дынама”»: вырабляецца з металу жоўтага (залацістага) колеру і мае форму круга дыяметрам 30 мм.
У цэнтры пярэдняга боку нагруднага знака на белай эмалі размешчаны галоўны элемент эмблемы БФСТ «Дынама» – літара «Д» сіняга колеру з характэрным для гэтай арганізацыі абрысам.
Цэнтр нагрднага знака круглай формы абрамлены поясам у выглядзе беларускага арнаменту сіняга колеру. Нагрудны знак мае акантоўку ў выглядзе сіняй паласы з двума надпісамі: зверху – «СІЛА Ў РУХУ I АД3ІНСТВЕ!», унізе – «ДЫНАМА». Справа і злева на акантоўцы маюцца дзве заклёпкі круглай формы таго ж металу, што і нагрудны знак.
У цэнтры кампазіцыі пад літарай «Д» размешчана дэвізная стужка, якая складаецца з дзвюх гарызантальных палос: верхняй – чырвонага колеру (складае 2/3 шырыні стужкі), на якой размешчаны юбілейныя даты «1923–2023», і ніжняй – зялёнага колеру (складае 1/3 шырыні стужкі).
На адваротным баку нагруднага знака ў шэсць радкоў размешчаны надпіс «100 / ГОД / БЕЛАРУСКАМУ / ФІ3КУЛЬТУРНА–СПАРТЫЎНАМУ / ТАВАРЫСТВУ / «ДЫНАМА». У ніжняй частцы круглай падвескі гарызантальна размешчаны беларускі арнамент.
Рэльеф усіх элементаў нагруднага знака выкананы метадам чаканкі з наступным гальванічным пакрываннем, таніраваннем і паліраваннем з выкарыстаннем эмаляў. Краі нагруднага знака абрамлены борцікам.
Нагрудны знак мацуецца да вертыкальнай прамавугольнай калодкі пры дапамозе вушка і кальца. На калодцы размяшчаецца муаравая стужка шырынёй 28 мм у выглядзе гарызантальных палос. Злева і справа чаргуюцца палосы сіняга і белага колераў у суадносінах 2:1:2:2 мм. Праз цэнтральную частку калодкі праходзіць паласа сіняга колеру, якая складае 14 мм. На ёй размешчаны беларускі арнамент белага колеру шырынёй 6 мм. На адваротным баку планкі прадугледжана мацаванне ў выглядзе заколкі-шпількі.
Зарэгістраваны ў Дзяржаўным геральдычным рэгістры 08.06.2023. Нумар рэгістрацыі В-1852.