Дзяржаўны архіў грамадскіх
аб’яднанняў Гродзенскай вобласці
Эмблема: уяўляе сабой бронзавую васьміпрамянёвую зорку, якая абрамляе шчыт цёмна-карычневага колеру з аблямоўкай таго ж колеру, што і зорка. Шчыт увянчаны стылізаванай літарай «А» залацістага колеру – асноўным элементам эмблемы Дэпартамента па архівах і справаводстве і ўсёй архіўнай галіны. У цэнтры шчыта размешчаны зрушаны ў яго ніжнюю частку меншы шчыт з аблямоўкай таго ж колеру, што і літара «А», у ім – герб г. Гродна.
У ніжняй частцы зоркі размешчана дэвізная стужка чырвонага колеру з назвай архіўнай установы «ДЗЯРЖАЎНЫ АРХІЎ ГРАМАДСКІХ АБ’ЯДНАННЯЎ ГРОДЗЕНСКАЙ ВОБЛАСЦІ».
Зацверджана Загадам дырэктара архіва ад 04.10.2023 № 9.
Зарэгістравана ў Дзяржаўным геральдычным рэгістры 17.11.2023. Нумар рэгістрацыі В-1896.
Флаг: Прамавугольнае палотнішча з суадносінамі бакоў 1:2, якое складаецца з трох гарызантальных палос: верхняй і ніжняй чырвонага колеру, якія складаюць 1/10 шырыні флага, і цэнтральнай – белага. У цэнтры асабовага боку палотнішча на белай паласе намалявана эмблема ўстановы “Дзяржаўны архіў грамадскіх аб’яднанняў Гродзенскай вобласці”.
Флаг дзяржаўнай архіўнай установы ўяўляе сабой вексілалагічную трансфармацыю галоўнага сімвала архіва – яе эмблему. Пры распрацоўцы флага выкарыстаны колеры і сімвалы эмблемы архіва. Так, палосы на флагу адпавядаюць колеру дэвізнай стужкі на эмблеме.
Зацверджана Загадам дырэктара архіва ад 15.04.2024 № 5.
Зарэгістравана ў Дзяржаўным геральдычным рэгістры 06.12.2024. Нумар рэгістрацыі В-1958.