Нагрудны знак адзнакі «Почетный друг»: Уяўляе сабой ромб залатога колеру з авальнымі бакамі, які складаецца з гранёных прамянёў. У ромб упісаны сіні круг з аблямоўкай зялёнага колеру, у цэнтры якога размешчана стылізаваная выява полымя вогнішча чырвонага колеру, якая на 1/8 сваёй вышыні выходзіць за межы круга эмблемы ў верхняй яе частцы. Сіні круг, зялёная аблямоўка і стылізаваная выява вогнішча маюць шляк залацістага колеру. Выява полымя вогнішча размешчана на пяці гарызантальных лініях залацістага колеру. Пад выявай пяці гарызантальных ліній у ніжняй частцы сіняга круга па перыметры размешчаны надпіс «ЗУБРЕНОК» залацістага колеру. Па перыметры зялёнай аблямоўкі ў ніжняй яе частцы размешчаны надпіс – «ПОЧЕТНЫЙ ДРУГ» залацістага колеру. На адваротным баку знака ў цэнтры размешчаны круг залацістага колеру з залатой акантоўкай. У верхнім вуглу ромба – шпілька, пры дапамозе якой нагрудны знак мацуецца да прамавугольнай калодкі залацістага колеру. На калодцы замацавана чырвона-бела-зялёная стужка. Суадносіны колераў на стужцы: чырвоны – 8 мм, белы – 2 мм, зялёны – 6 мм (размешчаны зверху ўніз). Знак мацуецца да адзення з дапамогай шпількі. Памер знака: бок ромба – 30 мм, дыяметр круга – 30 мм, вышыня калодкі – 25 мм, шырыня калодкі – 35 мм.

Зацверджаны Загадам дырэктара ад 24.06.2019 № 142.

Зарэгістраваны ў Дзяржаўным геральдычным рэгістры 03.10.2019. Нумар рэгістрацыі В-1512.