Нагрудны знак аб заканчэнні: уяўляе сабой герб Мінскай вобласці, накладзены на перакрыжаваныя пяро і шпагу залацістага колеру, ніжэй за якія размешчаны крылатыя коні залацістага колеру. За канямі ў верхняй частцы эмблемы размешчана «ззянне» ў выглядзе прамянёў залацістага колеру, якія разбягаюцца, а ў ніжняй частцы – лаўровыя гірлянды залацістага колеру, на якіх размешчана стужка чырвонага колеру з абрэвіятурай «МАКВ» залацістага колеру.

На адваротным баку знака наносіцца нумар. Знак мацуецца да адзення пры дапамозе закруткі.

Аснова знака (герб Мінскай вобласці) сімвалізуе заснавальніка вучылішча – Мінскі абласны выканаўчы камітэт. Пяро і шпага –традыцыйныя атрыбуты, а пазней і сімвалы шляхецкіх і кадэцкіх карпусоў на Белай Русі. Эмблема «ззянее» – традыцыйны элемент сімволікі навучальных устаноў, у тым ліку і кадэцкіх карпусоў. Крылаты конь з’яўляецца элементам афіцыйнага геральдычнага сімвала – герба г. Слуцка і Слуцкага раёна, яго выявы падкрэсліваюць месца дыслакацыі вучылішча і даніну памяці гораду з выбітнай шматвяковай гісторыяй. Лаўровыя гірлянды паказваюць на сферу адукацыі, навукі, творчасці, а таксама сімвалізуюць слаўныя традыцыі кадэцкага руху, дастойны ўклад вучылішча ў забеспячэнне нацыянальнай бяспекі дзяржавы.

Памеры знака: вышыня – 40 мм, шырыня – 38 мм.

Зацверджаны Загадам дырэктара вучылішча ад 30.01.2012 № 14.

Зарэгістраваны ў Дзяржаўным геральдычным рэгістры 15.12.2021. Нумар рэгістрацыі В-1736.