Эмблема: Уяўляе сабой авал сіняга колеру з аблямоўкай залацістага колеру, падзелены па гарызанталі на дзве роўныя часткі. У верхняй частцы – размешчана выява самалёта залацістага колеру, у ніжняй – стылізаваная выява сеткі экрана навігацыйнага прыбора (радара) таго ж колеру. Пад авалам размешчаны надпіс «БЕЛАЭРАНАВІГАЦЫЯ» сіняга колеру. У аснове эмблемы – сімвалы, якія раскрываюць задачы па прызначэнню Дзяржаўнага прадпрыемства «Белаэранавігацыя»: неба, паветранае судна, элемент прыбора навігацыі. Сіні колер з’яўляецца карпаратыўным колерам паветранага флоту краіны. Золата ў геральдыцы сімвалізуе моц і славу, вопыт і традыцыі.
Зацверджана Загадам Генеральнага дырэктара ад 01.10.2019 № 580.
Зарэгістравана ў Дзяржаўным геральдычным рэгістры 16.10.2019. Нумар рэгістрацыі В-1525.