Камуністычная партыя Беларусі
Камуністычная партыя Беларусі ўтворана ў 1996 г. і з’яўляецца правапераемніцай Камуністычнай партыі БССР. Галоўныя сімвалы партыі –чырвоны колер і перакрыжаваныя серп і молат.
Эмблема: Стылізаваная выява перакрыжаваных сярпа і молата, увянчаная пяціканцовай зоркай. Колер выявы можа быць любым.
Заснавана ў Міністэрстве юстыцыі: пасведчанне № 0390 ад 03.10.1997.
Зарэгістравана ў Дзяржаўным геральдычным рэгістры 30.11.2007. Нумар рэгістарцыі В-652.
Флаг: Чырвонае палотнішча, у верхнім вуглу якога размешчана выява перакрыжаваных сярпа і молата жоўтага або залацістага колеру, якая ўвянчана пяціканцовай зоркай.
Заснаваны ў Міністэрстве юстыцыі: пасведчанне № 0389 ад 03.10.1997.
Зарэгістравана ў Дзяржаўным геральдычным рэгістры 30.11.2007. Нумар рэгістарцыі В-653.
Нагрудны знак члена Камуністычнай партыі Беларусі: Уяўляе сабой выяву тэрыторыі Рэспублікі Беларусь зялёнага колеру ў блакітным полі, на якую накладзена разгорнутая кніга з чырвонымі перакрыжаванымі сярпом і молатам у цэнтры. Блакітны круг мае аблямоўку жоўтага колеру, на якой па крузе чырвоным выведзены словы «НАРОДОВЛАСТИЕ СПРАВЕДЛИВОСТЬ СОЦИАЛИЗМ». У ніжняй частцы аблямоўкі размешчаны флаг чырвонага колеру з абрэвіятурай «КПБ».
Зарэгістравана ў Дзяржаўным геральдычным рэгістры 27.11.2005. Нумар рэгістарцыі В-519.
Узнагародны нагрудны знак адзнакі КПБ «90 лет Великой Октябрьской социалистической революции»: Уяўляе сабой круглы знак дыяметрам 32 мм, выраблены з металу жоўтага колеру. У цэнтры галоўнага боку (аверса) размешчаны аксідзіраваны пяцівугольнік з выявай сюжэта залпа крэйсера «Аўрора» і чырвонага сцяга з датай «1917». Па знешнім радыусе медаля размешчаны надпіс «ВЕЛИКАЯ ОКТЯБРЬСКАЯ СОЦИАЛИСТИЧЕСКАЯ РЕВОЛЮЦИЯ – 90». На адваротным баку (рэверсе) размешчаны выявы разгорнутай кнігі, сярпа, молата (сімвалы адзінства рабочых, сялян і інтэлігенцыі), пяціканцовай зоркі, а пад кнігай – надпіс «КПБ».
Зарэгістравана ў Дзяржаўным геральдычным рэгістры 30.11.2007. Нумар рэгістарцыі В-651.
Узнагародны нагрудны знак адзнакі КПБ «ВЕРНОСТЬ»: Уяўляе сабой авал памерам 36 х 39 мм. На галоўным баку (аверсе) размешчана выява вянка з лаўровых і дубовых лістоў залацістага колеру. Верхняя частка вянка прыкрыта палотнішчам разгорнутага Чырвонага сцяга з надпісам залацістага колеру «ВЕРНОСТЬ». Унізе вянок перавязаны чырвонай стужкай з надпісам залацістага колеру «КПБ». Палотнішча сцяга пакрыта рубінава-чырвонай эмаллю. У цэнтры знака на блакітным фоне з залацістымі прамянямі ад узыходзячага сонца размешчана стылізаваная выява тэрыторыі Рэспублікі Беларусь светла-зялёнага колеру. У сярэдняй частцы выявы тэрыторыі рэспублікі знаходзіцца разгорнутая кніга белага колеру, серп і молат чырвонага колеру, а над кнігай чырвоная пяціканцовая зорка. На адваротным баку (рэверсе) ўнізе размешчаны нумар знака.
Зарэгістравана ў Дзяржаўным геральдычным рэгістры 15.07.2008. Нумар рэгістарцыі В-687.